- Album Intro
- Lyrics
- Album list
楊肅浩
-
到此為止
Lyricist:楊肅浩 Composer:楊肅浩 Arranger:蘇通達
離開你的第三日 我開始攑起筆寫日記 想著咱熟似彼年的冬天 十九歲的你是單純甲遐爾媠
離開你的第五日 敢若一切攏無要緊 只是一個人走去聽海湧 偷偷仔看著手機仔的相片
無暝無日陪伴佇你身邊 嘛捌講過欲做夥真濟年 行過厝內的反對 行過兩三年的日子 你煞越頭佮彼個人 行鬥陣
咱就到這為止 這段感情我嘛無虧欠啥物 將原諒的權利用甲誠慣勢 滿腹的委屈藏甲袂喘氣 咱就到這為止 沿著中港路的青紅燈一直開 離開這個充滿你的城市 為怎樣 沿途南風吹起 閣想著你
慢慢整理一個人的暗暝 我有我的路程你有你愛的伊 疼甲睡一半的夢醒 反來反去想甲無了時 面對你偷來暗去的事實 咱已經行袂轉去
咱就到這為止 我的生活早就沒你的代誌 將補償的心理攏總收轉去 做袂到的話就莫閣講出喙 咱就到這為止 這條中港路踅啊踅過幾若年 踅甲青春的皺紋印佇路頂 彼寡迎新送舊的過程 才是人生
離開你的第九日 恬恬將房間摒清氣 留佇這的物件我會寄予你 從今了後莫閣轉來 膏膏纏
------------------------------------------
11185/《到遮為止》Kàu Tsia Uî-tsí 楊肅浩Iûnn Siok-hō
離開你的第三日 lī-khui lí ê tē-sann ji̍t 我開始攑起筆 guá khai-sí gia̍h khí pit 寫日記 siá ji̍t-kì 想著咱熟似 siūnn-tio̍h lán si̍k-sāi 彼年的冬天 hit-nî ê tang-thinn 十九歲的你 tsa̍p-káu huè ê lí 是單純甲遐爾媠 sī tan-sûn kah hiah-nī suí
離開你的第五日 lī-khui lí ê tē-gōo ji̍t 敢若一切 kánn-ná it-tshè 攏無要緊 lóng bô-iàu-kín 只是一个人 tsí-sī tsi̍t-ê-lâng 走去聽海湧 tsáu-khì thiann hái-íng 偷偷仔看著 thau-thau-á khuànn-tio̍h 手機仔的相片 tshiú-ki-á ê siòng-phìnn 無暝無日 bô-mî-bô-ji̍t 陪伴佇你身邊 puê-phuānn tī lí sin-pinn
嘛捌講過 mā bat kóng-kuè 欲做伙真濟年 beh tsò-hué tsin tsē nî 行過厝內的反對 kiânn kuè tshù-lāi ê huán-tuì 行過兩三年的日子 kiânn kuè nn̄g-sann nî ê ji̍t-tsí 你煞越頭 lí suah ua̍t-thâu 佮彼个人行鬥陣 kah hit ê lâng kiânn tàu-tīn
咱就到遮為止 lán tō kàu tsia uî-tsí 這段感情 tsit tuānn kám-tsîng Find more lyrics at ※ Mojim.com 我嘛無虧欠啥物 guá mā bô khui-khiàm siánn-mih 將原諒的權利 tsiong guân-liōng ê khuân-lī 用甲誠慣勢 iōng kah tsiânn kuàn-sì 滿腹的委屈 muá-pak ê uí-khut 藏甲袂喘氣 tshàng kah buē tshuán-khuì
咱就到遮為止 lán tiō kàu tsia uî-tsí 沿著中港路的青紅燈 iân tio̍h Tiong-káng-lōo ê tshenn-âng-ting 一直開 it-ti̍t khui 離開這个 lī-khui tsit ê 充滿你的城市 tshiong-buán lí ê siânn-tshī 為怎樣 uī-tsuánn-iūnn 沿途南風吹起 iân-tôo lâm-hong tshue khí 閣想著你 koh siūnn-tio̍h lí
慢慢整理 bān-bān tsíng-lí 一个人的暗暝 tsi̍t-ê-lâng ê àm-mî 我有我的路程 guá ū guá ê lōo-tîng 你有你愛的伊 lí ū lí ài ê i 疼甲睏一半的夢醒 thiànn kah khùn tsi̍t-puànn ê bāng-tshínn 反來反去 píng-lâi-píng-khì 想甲無了時 siūnn kah bô-liáu-sî 面對你 bīn-tuì lí 偷來暗去的事實 thau-lâi-àm-khì ê sū-si̍t 咱已經行袂轉去 lán í-king kiânn buē tńg--khì
咱就到遮為止 lán tiō kàu tsia uî-tsí 我的生活 guá ê sing-ua̍h 早就無你的代誌 tsá tiō bô lí ê tāi-tsì 將補償的心理 tsiong póo-siông ê sim-lí 攏總收轉去 lóng-tsóng siu tńg--khì 做袂到的話 tsò buē-kàu ê uē 就莫閣講出喙 tiō mài koh kóng tshut-tshuì
咱就到遮為止 lán tiō kàu tsia uî-tsí 這條中港路 tsit tiâu Tiong-káng-lōo 踅啊踅過幾若年 se̍h--ah se̍h kuè kuí-nā nî 踅甲青春的皺紋 se̍h kah tshing-tshun ê jiâu-hûn 印佇路頂 ìn tī lōo-tíng 彼寡迎新送舊的過程 hit kuá ngiâ-sin sàng-kū ê kuè-tîng 才是人生 tsiah-sī jîn-sing
離開你的第九日 lī-khui lí ê tē-káu ji̍t 恬恬將房間摒清氣 tiām-tiām tsiong pâng-king piànn tshing-khì 留佇遮的物件 lâu tī tsia-ê mi̍h-kiānn 我會寄予你 guá ē kià hōo lí 從今了後 tsiông-kim liáu-āu 莫閣轉來膏膏纏 mài koh tńg-lâi ko-ko-tînn
- Special thanks to W.B. Chen for correcting the lyric.
- Related Links: W.B. Chen
|