- Lyrics
- Album list
- Singer Intro
江蕙
-
風雨戀情
Lyricist:正一 Composer:正一
哪通這呢無情 害阮每日心頭凝 哪親像一陣風雨 這甘是真正愛情
風雨風雨請你替阮想看甭 伊的假情 伊的假愛 誤阮一生 阿~阿~阿~阿~伊著離開 心愛的人 心愛的人
口白 人塊講風雨無情 誰知影你比風雨擱卡無情 一次騙過一次 一回騙過一回 所講的話 聲聲句句攏是花言巧語 完全將阮看作三歲囝仔置咧看待 假使你若是有真心置咧愛我 為什麼 到今嘛也擱無要甲我結婚咧 阿~心愛的 你 你按呢做 甘抹尚過過份咧
哪會這呢不幸 偏偏有情變無情 哪親像一陣風雨 枉費阮純情的心
風雨風雨請你替阮想看甭 伊的假情 伊的假愛 誤阮一生 阿~阿~阿~阿~伊著離開 心愛的人 心愛的人
------------------------------------------
《風雨戀情》Hong-hōo Luân-tsîng 江蕙Kang Huī
哪通遮爾無情 ná thang tsiah-nī bô-tsîng 害阮每日心頭凝 hāi gún muí-ji̍t sim-thâu gîng 若親像一陣風雨 ná-tshin-tshiūnn tsi̍t-tsūn hong-hōo 這敢是真正愛情 tse kám-sī tsin-tsiànn ài-tsîng
風雨風雨 hong-hōo hong-hōo 請你替阮想看覓 tshiánn lí thuè gún siūnn khuànn-māi 伊的假情 i ê ké-tsîng 伊的假愛 i ê ké-ài 誤阮一生 gōo gún it-sing 啊~啊~啊~已經離開 ah~ ah~ ah~ í-king lī-khui 心愛的人 sim-ài ê lâng 心愛的人 sim-ài ê lâng
↓↓---(口白)---↓↓ Find more lyrics at ※ Mojim.com 人咧講風雨無情 lâng teh kóng hong-ú bô-tsîng 誰知影 siáng tsai-iánn 你比風雨閣較無情 lí pí hong-ú koh-khah bô-tsîng 一次騙過一次 tsi̍t-tshù phiàn kuè tsi̍t-tshù 一回騙過一回 tsi̍t-huê phiàn kuè tsi̍t-huê 所講的話 sóo kóng ê uē 聲聲句句 siann-siann-kù-kù 攏是花言巧語 lóng-sī hua-giân khá-gí 完全將阮當做三歲囡仔佇咧看待 uân-tsuân tsiong gún tòng-tsuè sann-huè gín-á tī-leh khuànn-thāi 假使你若是有真心佇咧愛我 ká-sú lí nā-sī ū tsin-sim tī-leh ài guá 為啥物 uī-siánn-mih 到這馬猶閣無慾佮我結婚咧 kàu tsit-má iáu-koh bô beh kah guá kiat-hun--leh 啊~心愛的你 ah~ sim-ài ê lí 你按呢做 lí án-ne tsuè 敢袂傷過過份咧 kám buē siunn-kè kè-hūn--leh ↑↑---(口白)---↑↑
哪會遮爾不幸 ná ē tsiah-nī put-hīng 偏偏有情變無情 phian-phian ū-tsîng piàn bô-tsîng 若親像一陣風雨 ná-tshin-tshiūnn tsi̍t-tsūn hong-hōo 枉費阮純情的心 óng-huì gún sûn-tsîng ê sim
風雨風雨 hong-hōo hong-hōo 請你替阮想看覓 tshiánn lí thuè gún siūnn khuànn-māi 伊的假情 i ê ké-tsîng 伊的假愛 i ê ké-ài 誤阮一生 gōo gún it-sing 啊~啊~啊~已經離開 ah~ ah~ ah~ í-king lī-khui 心愛的人 sim-ài ê lâng 心愛的人 sim-ài ê lâng
- Special thanks to W.B. Chen for correcting the lyric.
- Related Links: W.B. Chen
|